РУС КГ
Сенин тамагың – сенин күчүң

Балдардагы тамак оору

Жогорку дем алуу жолдорунун инфекциялары чоңдорго караганда, балдарга 3 эсе көп кездешет. Ошентип, тамак оору бала кездеги кеңири жайылган көйгөй болуп саналат. Мындан тышкары, балдардагы тамак оору негизинен сасык тумоо же мурундун бүтүшү, көздүн кызарышы, ошондой эле калтыратма жана жалпы алсыздык сезими менен коштолот.

Балдар төмөндөгү учурларда инфекцияларга өзгөчө кабылышат:

  • алардын ден соолугунун жалпы абалы начар болгондо;
  • башка балдар менен байланышканда (бала бакчада, мектепте);
  • санитардык-гигиеналык жашоо шарттары ченемге шайкеш келбегенде.

Инфекцияны дарылоо ыкмасы анын себебинен көз каранды болот. Вирустук же жеңил бактериялык инфекциялар төшөккө жатуу режимин сактоо жана тамактагы оорунун себептерин жок кыла турган жана анын симптомдорун жеңилдеткен дарыларды ичүү менен дарыланышы мүмкүн.

Оор бактериялык инфекциялар учурунда дарыгердин кеңеши керек, ал антибиотиктер менен системалуу дарылоону дайындашы мүмкүн.

Төмөндөгү дарылар дагы пайдалуу болушу мүмкүн:

  • жөтөлдү жеңилдетүү үчүн дары каражаттары;
  • мурун үчүн нымдоочу каражаттар;
  • мурундан бөлүп чыгарууларды азайтуу үчүн дары каражаттары;
  • дене табын түшүрүүчү дарылар.

Дарыгердин кеңеши керек, эгер:

  • тамактагы сезгенүү жана оору жалгыз симптом болуп саналса жана 48 сааттан ашык созулса;
  • тамактагы сезгенүү жана оору 5 күндөн ашык созулган башка симптомдор менен коштолсо;
  • дене табынын жогорулашы 3 күндөн ашык сакталса;
  • ден соолугунун абалы начарласа;
  • дем алуу менен байланыштуу кыйынчылыктар пайда болсо;
  • суюктукту же шилекейди жуттууда кыйынчылыктар пайда болсо;
  • организм суусузданса;
  • бала курч фарингит менен ооруган адам менен байланышса;
  • тамактагы сезгенүү кулактын же мурундун коштонду кобулдарынын оорушу менен коштолсо;
  • исиркек пайда болсо;
  • баланын курагы 2 жаштан кичүү болсо.

Маанилүү!

Тамак оорудан улам балдар көп учурда тамак жегенден жана ичкенден баш тартышат, бул суусузданууга алып келиши мүмкүн. Ошондуктан ооруну болушунча эрте токтотуу керек.

Krka, d. d.

Бардык укуктар корголгон. Krka, tovarna zdravil, d. d., Novo mesto